INGURUMBANYA BYAHAMYE

 

Ingurumbanya byahamye
Ya Rwihatamurimo
Ndi isibo y'abacuruzi
Simbangamira abategetsi.
Banteje inka zabuze umusoro
Bampamagaye mu iteraniro
Mu kwikora njyana umufuka.
Nywubanye umuhanga mu isoko
Nihandagaza aho riremye.
Nywuhinitsemo ukomeye
Nywukundira kutayata.
Wumvise uko nunguka
Uhinduka umugusiro.
Ni uwamenyereye kutangizwa,
Utoza imari kugwira.
Abumvise inka naguze
Bati : "Rugomwa yabaye umugaga
Nta mugobe ukimurenga ataguze !"

 

Inkerarugendo ya Rugina

Ndi Inkerarugendo ya Rugina
Ndi umugenza w'igihame
Nabyirutse nihakanye igihombo
Mu gihugu cyabambaye imbindo
Nabimburiye gusorera inzira
Mu nzandiko z'ibitegetswe
Nakurikije Regerema !

Mu rupangu rwa Mariti

Nungutse ibihumbi bitatu,

Ab'ingurube bazikurura mu migozi !
Mu isoko ry'i Gitarama
Natumburukanye patanti
Abatagira icyete
Icyambu cyo guhita cyabagumiye !
Mu mategeko y'abakuru
Nakurikije uko Leta ishaka.
Mbona mporana umuruho
Ntibyambujije amanota
Nashoboye kuba uwa kabiri
Mu kizami kwa Muganga ;
Ab'amakenga bacyohereza intumwa,
Sinatinya nigirayo !

 

Rutiganda umugobe

Ndi Rutiganda umugobe wageze rwa mugenza,
Mu iguriro ry'i Rutare
Nitangije kugereka !
Ababurugaji bagambiriye inka kuri Nyaruteja,
Bazinsanzemo ndi umutunzi w'icyete
Sinareka bazijyana !
Ku itaba rya Kicukiro
Nagaragaye mu rugamba rw'abanga gucupira
Abacuruzi duhamagajwe umusoro
Sinasesera nk'abisunga Kimonyo !
Mu iguriro rya Kinyari
Nanze ko Gakondo irara inyama
Nagiye imbere na Nyamurwana.
Mu Nkoto za Kinyambi
Nanze kunyagiranwa isinde,
Nasigaye ku kirabo na Rurinda.
Ku Gikumba cy'i Musambira
Mu musingo w'abanyaga
Abanyanduga banyise Rwigerezaho !
Mu igugura rya Miguramo
Naguze inka z'abatinye kwambuka !
Ku mugezi wa Kiryango
Naryamiye ubudaciye
Na Rucagaharo,
Ku ruzi rwabaye ingeri
Nabaye ingenzi menera ingabo !

 

Uwo abacuruzi bacumbikira

Uwo abacuruzi bacumbikira ndi inshuti
Uwa rudacoka abashyitsi,
Mu cyambu cya Mashyiga
Nabaye mushyikirwa w'amagambo !
Amagara aterewe hejuru
Sinasama ayanjye masa
Nk'abadasanzwe ku mugezi ;
Rwigerezaho mbimbura ikirari,
Mbabera ikiraro barambuka
Ndi kumwe na Leandre Muhashyi !
Mu makuba ya Gatanga
Natangiriye Rusengo rw'icy'atatu
Nanga ko atanga ibiguzi,
Nagiye i mugeri na Myasiro.
Mu Ishoba rya Gakoma
Nakomeretse imbere
Nkurikiye Ruhogo rw'igihumbi
Ndi kumwe na Ruhashya.
Ku musozi Winzovu

Nanze ko inzara inyicana abagenza
Nabatanze kugura ! 
Mu Tumarankoni twa Nyagatare
Abategetsi baje ari itimba,
Nitabiriye ko izanjye zikonnye
Nikunda kuziyobora !
Ku Gahabwa ka Nduba
Nitabye induru ndi Indatirwabahizi
Abagabo b'inda nini bayoboza Leteri ! 
Ku mugezi wa Kirimbi
Nanze guta akarimbiro
Niringiye umufuka wanjye !
Mu Kirambo na Nyamasheke
Nasoreye aho ndarana Rukungu
Ku mugobe w'Abashi
Nashobereje abashaka kumpombya !
Nizihiwe no gushorera inkone
Inka z'Abaganza zigurwa cyamunara !
Rugaju rugaragura ibyahombye
Nayikuye mu gihugu kivuga "mbwenu" ! 
Rukone ruherekeje Rukungu ku Murehe
Rukara rukukana ingona ;
Rugondo rw'ingarisi ;
Ingumba igomba inyana,
Mu Ngarama za Bahimba ;
Rusengo rw'umusaza utagisora;
Rushangi rushaka ayo kuriha ;
Ruvuzo rw'ipfupfu yo mu za Mapfuriro ;
Rusengo rw'ibipfupfuru
Mu Gipfundo cya Nyabisiga ;
Ruhuma rufayira igihumbi
Mu iguriro rya Kinyari ;
Rutare mu ry'i Rutare ;
Rutanga rw'i Mutara ;
Rugaju twitabye umugobe;
Rugondo rw'umugabo wasinze
Rusine rw'imisare mu Museke wa Rubingo ;
Rusengo rwa nyir'umusozi ;
Rusa rw'umusenzi utazi kubara ;
Rubamba rubaza icy'abiri ;
Rubibi rw'ababuze imisoro ;
Ku Musasa wa Kirungu ziyoboye ;
Kirambo cya Buyaga,
Naraye ngenda na Rugereka ;
Mu Rugenge rwa Bushara
Nashubije iy'ishyamba na Rugereka ;
Ruvubi zikutse umuvumba ;
Ruvuzo rw'inkone mu nka z'Abazirakumesa
Ingumba y'igitare ku mugezi wa Rutonde,

Nitabye Makambira ;
Ku mana kwa Kaboyi ;
Ku manga ya Cyondo ;
Cyonyo kwa Bishumba ;
Cyerere ngura Ruvuzo rwa Bacondo ;
Kinyami kwa Sandi mvumba na Rugereka
Mu Rugarama rwa Kigali

Nkigurura na Mariti ;
Mu mikoni ya Tongati

Abo twajyanye bitahiye ;
Abategetsi basheshe iguriro
Mu Ishoba rya Rugwizangoga ;
Ku mugobe w'igihombo
Nazihariye amagara,
Nigerera mu rya Kabari ;
Kabingo k'i Buberuka
Naguze imfizi n'umugore
Umugabo aje aramwirukana !

 

pp.329-335
Sipiriyani Rugamba. 1984. Abambali b'inganzo Ngali. INRS : Butare, Rwanda