KANYAMUGENGE KA RUHINANKIKO 

Uw'inkuru zidakura umutima, nkaba Rwitabiraguhurura,
Ntwara icumu ritagira impuhwe nk'imitimba.
Abatware b'i Reramacu bazi icyo narimajije.
Imirambo y'abo nacuze inkumbi ntawayibara ngo ayishobore,
Amashahu yabo agera ku ijana, ntawe ukijana ko ndi intwali,
Intore twabyirukanye zambonyeho kuba inyamibwa.
Murabaze inyambo za Rutajoma icyo nakoreye Abanyagisaka.
Ubwo nsunitse umwami wa Rugeyo, sindakareka ashinga urugerero,
Uruguma narubanje umukogoto ibyo gukandagira biramunanira,
Yikubuye guhunga amaraso amuhinguka mu gihumbi,
Umuvu ucurama hejuru y'umukondo, igikomere kiratangaza,
Imihana y'Impanzi ntiyasubira kuvuza impundu.
Impundazi zimutera isereri, asongwa no kugwira igiti, igituza kirashenguka!
Abatinyi babonye ko nkura mu gitugu
Baterwa ubwoba n'uko babonye yamazwe n'ibisare,
Igitengo kirabasiba, imisakura ayiryamira ari icyenda,
Akigarika imbere y'urugamba mubagira ibyiyone,
Icyo namaliye ingoma kizashoborwa na bake!
Abagira amakenga ntiduhwana mu mahina,
Nasobetse n'umuhinza ndamuhashya ngo adasuzugura Musinga.
Ndamusuzuguza umunsi ukiri igitondo,
Ndamutamaza mutanya n'ingabo ze,
Nzijyana ku nkiko, ndaziburabuza,
Inka z'i Rwanda ntizagira icyo ziba;
Amakuza nyamara ishavu ngira ngo nshahurire aho rukomeye.
Abashakamba baje kumvuna basanga nivugira ku iteme,
Ibigembe byatukuye, amaraso agitemba mu mbuga z'imiharuro
Mbangikanye n'Inkotanira kurusha,
Inkubiri y'abasore numva, irandura ibisindu!
Abo hakurya mu misozi y'amatongo bumva ibitare bikuka,
Ibikoko byunamiriye abo twahiganye.
Bamwe bihutira kujya mu bihuru
Abashaka kwihishura sinabitaho nihutira gufata abasuhuka,
Nsanze bageze ku nkuge mbakubita nk'inkuba.
Umwami w'Inkotanyi Musinga amenye ko natsinze icyibumba cya Rukura,
Ahashya abatanazi kumwanganira,
Ngo mwene Rwandilima amusubirire mu macumu,
Amubwiye ko niciye hagati y'ingamba,
Ingali za bene Mfumbije nkazitwika; mutera ubwuzu akimundatira.
Maze gutegeka abandika indamutso yo kujya Ikambere,
Musinga ambaza imihigo, sinibaza imyato nk'abanyamusozi.
Nti: Nakurasaniye iminsi itatu niriza umutaga ntaratinya aho rukomeye.
Nawe ati: Ni bwo utangiriye inka za Rudafobagana?
Arongera ati: Ko mu yindi mitwe bakikwifuza wafatiye he kwenderanya?
Nti: Ni jye mana y'abatabazi abatware baranyifuza,
Ni jye bagomba aho ruremye,
Barangombye mu ishiraniro ibishagasha byabahanye,
Nsigaye ku kirali ntibacubangana, ndi Rugombasheja.
Nashahuliye mu iteme, sinagira umutasi,
Uwategekaga Abakogoto namukuyeho abarundi,
Bene Mukerangabo barakubana, ni yo nzigo bakimpora;
Ubwo nesheje Ruzirampuhwe,
Impanzi sindakareka zishinga urugamba ndi rudasiganira ibanze,
Nkunda kwisuka mu myambi sindaswa inyuma, inkubiri,
Navanye i Nyanza ntiragabanuka!
Kalinga sindakayirwanira nk'ibisambo,
Nameneye Imbungiramihigo ahakomeye,
Abakoni baza bamvuga neza, nabakotanyeho cyane,
Mbaye icyaga amahanga nyatera icyorezo.
Icyo namaliye ingabe, kuri Mutenderi, abatali intwali ntibagishobora.